Бямба, 6 сарын 12, 2021
Хадгалсан мэдээ (0)
NASA дэлхийг сансрын биеттэй мөргөлдөхөөс хамгаалах хөлгийн төслийг боловсруулжээ
E-press TV 

NASA дэлхийг сансрын биеттэй мөргөлдөхөөс хамгаалах хөлгийн төслийг боловсруулжээ

Баяр Удвал Баяр Удвал
6 сарын 12, 2021
571
0

Манай дэлхий сансрын биеттэй мөргөлдөх вий гэсэн айдас хүмүүсийн дунд бий. Тэгвэл NASA үүнээс сэргийлэх төсөл боловсруулжээ.

Дэлхийд гамшиг авчрах боломжтой астероидуудыг түрүүлж устгах зориулалттай зэвсгийн зураг төслийг тэд бэлэн болгосон байна.

Энэ бол HAMMER (алх гэсэн үг) нэртэй сансрын хөлөг юм. Дэлгэрүүлбэл Hypervelocity Asteroid Mitigation Mission for Emergency Response гэсэн үгнүүдийн товчлол ажээ.

Хөлгийн зураг төслийг боловсруулахад NASA-гаас гадна АНУ-ын цөмийн аюулгүй байдлын газар (NNSA)-ын мэргэжилтнүүд оролцсон гэнэ.

HAMMER хөлөг нь хоёр аргаар айсуй астероидод нөлөөлөх ажээ. Эхнийх нь астероидод цохилт өгч чиглэлийг нь өөрчилнө. Хоёр дахь нь өөр дээрээсээ цөмийн цэнэгт хошуугаар буудаж, сансрын биетийн чиглэлийг өөрчлөх гэнэ.

Эхнийх нь жижиг хэмжээний, эсвэл эрт олж мэдсэн астероидуудад зориулагджээ. Харин том хэмжээтэй, яаралтай арга хэмжээ авах шаардлагатай биетүүдэд хоёр дахь илүү аюултай хувилбарыг хэрэглэх юм.

Судлаачдын тооцоолж байгаагаар HAMMER хөлөг 2035 онд гэхэд ажиллаж эхлэх гэнэ.

Тухайн жил Бенню (Bennu) нэртэй нэгэн астероид манай дэлхийтэй мөргөлдөх 2,700-д нэг тохиолдох магадлал байгаа ажээ. Уг астероид одоогоор цагт 101,000 км хурдтайгаар нарыг тойрон эргэж байгаа гэнэ.

Гэхдээ HAMMER хөлөг бий болно гэж хэлэхэд хэтэрхий эрт байгаа ажээ. Учир нь үүнийг бүтээхэд маш их зардалтай, зардлыг нь тооцоолоо ч үгүй байгаа юм. Ирэх тавдугаар сард Японд болох сансар судлаачдын хуралд энэхүү хөлгийн төслийг танилцуулсны дараа HAMMER бодит зүйл болох эсэх нь илүү тодорхой болох гэнэ.

 

Эх сурвалж: New York Post


Өмнөд Солонгосоос АНУ цэргээ гаргана гэсэн яриа Сөүлийг сандаргажээ
Засгийн газрын хэрэгжүүлэх 10 их наядын цогц төлөвлөгөө
Spectr News Theme
Баяр Удвал
Хөгжүүлэгч
Веб сайтын хөгжүүлэлтийн ажилтан, ЦАСТ СОЛЮШН ХХК

Сэтгэгдлүүд

Редакцийн бодлого

“И пресс медиа” ХХК нь 2019 оны гуравдугаар сард үүсгэн байгуулагдаж хэвлэл мэдээллийн салбарт www.epress.mn мэдээллийн цахим хуудсыг нээн ажиллуулж байна. Манай www.epress.mn сайт нь нийтлэлийн бодлогын хувьд дараахи чиглэлүүдээр мэдээ, мэдээлэл бэлтгэн уншигчдадаа хүргэхийг зорьж байна. Үүнд:  Улс орны эдийн засгийн хөгжил – төрийн эдийн засгийн бодлого /макро, микро эдийн засгийн бодлого – төсөв, мөнгөний бодлого – бүтээн байгуулалт, хөрөнгө оруулалт – төрийн аудит, татварын тогтолцоо/,  Бизнесийн орчин, үндэсний үйлдвэрлэгчдэд тулгамдсан асуудлуудыг судлан шинжилж, сурвалжилж,  Эдийн засаг, нийгмийн хөгжлийн гарц, шийдлийг эрэлхийлсэн, асуудал дэвшүүлсэн нийтлэл, нэвтрүүлэг, сурвалжлага, ярилцлагыг олон нийтэд түгээх болно.  Ингэснээр манай сайтын мэдээлэл улс орны эдийн засаг, нийгмийн харилцаанд нөлөөлөгч хүчин зүйл болох учиртай.  Дэлхийн болон улс орныхоо эдийн засаг, нийгмийн төлөв байдлын талаар “сонин содон” мэдээллүүдийг цуглуулан боловсруулж Та бүхний мэдлэгийн санг тэлэх боломжийг нэмэгдүүлнэ.  Мэдлэгийг тэлэх чиглэлд нэмэлт “Монголын түүхийг товчоор” булан нээж, түүхийн чухал мөчүүдийн талаарх мэдээллийг шинэлэг хэлбэрээр уншигч та бүхэндээ хүргэнэ.  Бид сэтгүүлчийн ёс зүйн зарчмыг үйл ажиллагаандаа чанд мөрдөж, салбартаа үлгэр дуурайлал болсон мэргэжлийн хамт олон байхын төлөө ажиллах болно.  Уншигч та бүхэнтэйгээ үр өгөөжтэй хамтран ажиллана.

Registration Login
Sign in with social account
or
Lost your Password?
Registration Login
Sign in with social account
or
A password will be send on your post
Registration Login
Registration