Бямба, 6 сарын 12, 2021
Хадгалсан мэдээ (0)
Шинэ Зеландын засгийн газар нисгэгчгүй агаарын таксиг турших зөвшөөрөл өгчээ
E-press TV 

Шинэ Зеландын засгийн газар нисгэгчгүй агаарын таксиг турших зөвшөөрөл өгчээ

Баяр Удвал Баяр Удвал
6 сарын 12, 2021
565
0

Шинэ Зеланд улсын эрх баригчид өчигдөр Zephyr Airworks компанид нисгэгчгүй агаарын таксиг турших зөвшөөрөл өгсөн байна.

Уг компани нь Google-ийн үүсгэн байгуулагчдын нэг Лари Пэйжийн Kitty Hawk компанийн охин компани юм.

Cora гэх нэртэй нисдэг машин нь далавчин дээрээ олон тооны сэнстэй тул нисдэг тэрэг шиг босоо чиглэлд хөөрөх, газардах чадвартай.

Гэхдээ дуу чимээ багатай тул хот дотор хүн тээвэрлэн барилгын дээвэр, эсвэл машины зогсоол дээр буух боломжтой гэнэ. Бүрэн цахилгаан хөдөлгүүртэй тул хорт утаа ялгаруулахгүй, байгаль орчныг бохирдуулахгүй. Cora-гийн хоёр хүн тээвэрлэх чадалтай загварыг Шинэ Зеландын өмнөд аралд амжилттай туршжээ.

Нисдэг машины компьютер нь хүнээс хамааралгүй ажиллаж, аялалын төлөвлөгөө, аюулгүй байдлыг тооцоолох ба асуудал үүсвэл шүхэр дэлгэж, газардах юм.

Cora нь 150 км/цаг хурдтайгаар 900 метр хүртэл өндөрт 100 км зайг туулах чадвартай. Зорчигчоос нислэгийн ямар ч мэдлэг шаардахгүй тул агаарын тээврийг өдөр тутмын амьдралд нэвтрүүлэх нь Zephyr Airworks компанийн зорилго гэнэ.

Нисдэг таксиг ирээдүйд Uber шиг аппликэшнд суурилсан нийтийн үйлчилгээ болгох төлөвлөгөөтэй ажээ. Cora нисдэг машины дизайныг боловсруулахад найман жил зарцуулсан ба туршихад тохиромжтой газраар Шинэ Зеландыг сонгосон байна. Шинэ Зеланд нь агаарын замын ачаалал багатай, зохицуулалтын орчин уян хатан учраас сонгосон гэнэ.

Нисдэг таксины үйлчилгээг нийтэд хүргэхэд дахин зургаан жилийн туршилт шаардагдах ба Шинэ Зеландын Кристчурч хотын орчимд үйл ажиллагаагаа явуулах гэнэ.

Эх сурвалж: AFP


Худал хуурмаг үнэнийг үргэлж "ЯЛЖ" байгааг хуурамч мэдээний хамгийн том судалгаа нотлов
Засгийн газрын хэрэгжүүлэх 10 их наядын цогц төлөвлөгөө
Spectr News Theme
Баяр Удвал
Хөгжүүлэгч
Веб сайтын хөгжүүлэлтийн ажилтан, ЦАСТ СОЛЮШН ХХК

Сэтгэгдлүүд

Редакцийн бодлого

“И пресс медиа” ХХК нь 2019 оны гуравдугаар сард үүсгэн байгуулагдаж хэвлэл мэдээллийн салбарт www.epress.mn мэдээллийн цахим хуудсыг нээн ажиллуулж байна. Манай www.epress.mn сайт нь нийтлэлийн бодлогын хувьд дараахи чиглэлүүдээр мэдээ, мэдээлэл бэлтгэн уншигчдадаа хүргэхийг зорьж байна. Үүнд:  Улс орны эдийн засгийн хөгжил – төрийн эдийн засгийн бодлого /макро, микро эдийн засгийн бодлого – төсөв, мөнгөний бодлого – бүтээн байгуулалт, хөрөнгө оруулалт – төрийн аудит, татварын тогтолцоо/,  Бизнесийн орчин, үндэсний үйлдвэрлэгчдэд тулгамдсан асуудлуудыг судлан шинжилж, сурвалжилж,  Эдийн засаг, нийгмийн хөгжлийн гарц, шийдлийг эрэлхийлсэн, асуудал дэвшүүлсэн нийтлэл, нэвтрүүлэг, сурвалжлага, ярилцлагыг олон нийтэд түгээх болно.  Ингэснээр манай сайтын мэдээлэл улс орны эдийн засаг, нийгмийн харилцаанд нөлөөлөгч хүчин зүйл болох учиртай.  Дэлхийн болон улс орныхоо эдийн засаг, нийгмийн төлөв байдлын талаар “сонин содон” мэдээллүүдийг цуглуулан боловсруулж Та бүхний мэдлэгийн санг тэлэх боломжийг нэмэгдүүлнэ.  Мэдлэгийг тэлэх чиглэлд нэмэлт “Монголын түүхийг товчоор” булан нээж, түүхийн чухал мөчүүдийн талаарх мэдээллийг шинэлэг хэлбэрээр уншигч та бүхэндээ хүргэнэ.  Бид сэтгүүлчийн ёс зүйн зарчмыг үйл ажиллагаандаа чанд мөрдөж, салбартаа үлгэр дуурайлал болсон мэргэжлийн хамт олон байхын төлөө ажиллах болно.  Уншигч та бүхэнтэйгээ үр өгөөжтэй хамтран ажиллана.

Registration Login
Sign in with social account
or
Lost your Password?
Registration Login
Sign in with social account
or
A password will be send on your post
Registration Login
Registration