Бямба, 6 сарын 12, 2021
Хадгалсан мэдээ (0)
"Сөрөг" хариутай ч тусгаарласаар байх уу?
Цаг үе 

"Сөрөг" хариутай ч тусгаарласаар байх уу?

Oyukhaa Oyu Oyukhaa Oyu
6 сарын 12, 2021
243
0

Цагаан хадны жолоочдыг зургаан удаагийн шинжилгээгээр сөрөг гарсаар байтал сар шахуу тусгаарлаж байна. 

Цагаан хадны чиглэлд тээвэр хийдэг “Эко глобал ложистик” компанийн жолооч нар дөрөвдүгээр сарын 30-наас эхлэн тусгаарлалтад байгаа юм. Анх Хятадын хил гарахын өмнө авдаг PCR шинжилгээгээр нэг жолоочоос корона вирус илэрснээр тус чиглэлд явсан бүх жолоочийг тусгаарлах ажил эхэлжээ. Гэвч тусгаарлалтад орсноос хойш нийт зургаан удаагийн шинжилгээгээр сөрөг гарсан ч тэднийг тавдугаар сарын 15-нд Улаанбаатарт авч ирэн Кино үйлдвэр дэх “Амар” очид буудалд үргэлжлүүлэн тусгаарласаар байгаа аж. Энэ талаар жолооч нарын төлөөллөөс тодрууллаа. 

-Та бүхнийг тусгаарлах процесс анх хэрхэн яаж эхэлсэн юм бэ? 

-Бид хил гарахын өмнө дөрөвдүгээр сарын 29-нд шинжилгээ өгөхөд нэг жолоочоос илэрлээ гэсэн. Тэгээд камп дээр биднийг тусгаарлаад нөгөө хүнээ хот руу явуулсан. Ойрын хавьтал гээд гурван хүнийг бас авч явсан. Корона илэрсэн өнөө нэг хүн долоо хоноод эдгэрээд гарсан. Харин бид долоо хоног тусгаарлагдаад, үргэлжлүүлээд өөрсдийн өрөө өрөөндөө тусгаарлагдсан. Тэр хугацаанд түргэвчилсэн болон PCR шинжилгээ авахад дахин таван хүн илэрлээ гэсэн. Ингээд энэ сарын сарын 15-нд хотод ирээд одоо болтол тусгаарлагдсаар байна. Ирсэн даруйдаа бид шинжилгээ аваад, хүмүүсээ ангилж ялга гэдэг шаардлага тавьсан. Гэвч шинжилгээ авахгүй байсаар тавдахь хоног дээрээ буюу 20-нд авахад, 18 хүн эерэг гарч, бусад нь сөрөг гарсан. Өчигдөр тусгаарлалтын долоо хоног дуусч, хотын харьяалалтай жолооч нарыг гаргасан ч орон нутгийнхныг үлдээсэн. Уг нь бид адилхан долоо хоног тусгаарлагдаж, адилхан сөрөг гарсан хүмүүс. 

-Орон нутгийн жолооч нарыг гаргахгүй байгаа шалтгаанаа юу гэж байгаа юм бэ?

- Харьяа орон нутгийн онцгой комисс нь хүлээж авна гэвэл та хэдийг гаргана гэж байгаа ч албан бичиг явуулсан эсэх, ямар хариу ирүүлсэн эсэх нь тодорхойгүй. Бид өөрсдөө орон нутгийнхаа онцгой комисстой холбогдож лавлахад вакцин хийлгээд 14 хоносон бол нэвтрүүлж болно гэсэн. Мөн ямар ч албан бичиг эндээс очоогүй гэж байгаа юм. 

-Та бүхэн хоёрдахь тунгаа хийлгээд хэр удаж байгаа билээ?

-Бид дөрөвдүгээр сарын 17-нд хоёрдугаар тунгаа хийлгэсэн. Түүнээс хойш сар гаран болж байна. Вирус илэрсэн хүн нь долоо хоноод л эдгэлээ гээд гардаг, гэтэл олон удаагийн шинжилгээгээр биднийг ингээд тусгаарлаад байгааг мөнгө хийж байна гэж ойлгохоос аргагүй байна. Байж байгаад нэг шинжилгээ аваад, хэдэн хүн эерэг гарлаа гэдэг, үнэндээ тэр шинжилгээний хариу ч эргэлзээтэй.

-Энэ буудлын өдрийн төлбөр нь хэд вэ?

-Өдрийн 80 мянган төгрөг. 

 -Нийт хэдэн хүн ирээд хэд нь үлдээд байгаа юм бэ?

-Анх 120–иод хүн ирснээс эерэг гарсан, ойрын хавьтал болсон зэрэг хүмүүсээс гадна өчигдөр хотын харьяалалтай 25 хүн тусгаарлалтаас гараад одоо 70 орчим хүн байна. Одоо дахиад долоо хоног сунгана гэх юм бол бид яг сар тусгаарлагдаж байна гэсэн үг. 

-Энэ хооронд та бүхний ажил, орлого бүх зүйл зогсч байгаа биз дээ?

-3.13-нд ачуулсан ачааг одоо хүртэл Хятадын талд буулгаагүй байна. Өөрөөр хэлбэл бид гуравдугаар сараас хойш одоо хүртэл цалингүй байна гэсэн үг.

Таван байршилд шинэ суурьшлын бүс байгуулахаар төлөвлөж байна
Сэрэмжлүүлэг: Гол, мөрний усны түвшин үерийн аюултай түвшинг даван үерлэж байна
Spectr News Theme
Oyukhaa Oyu
Хөгжүүлэгч
Веб сайтын хөгжүүлэлтийн ажилтан, ЦАСТ СОЛЮШН ХХК

Сэтгэгдлүүд

Редакцийн бодлого

“И пресс медиа” ХХК нь 2019 оны гуравдугаар сард үүсгэн байгуулагдаж хэвлэл мэдээллийн салбарт www.epress.mn мэдээллийн цахим хуудсыг нээн ажиллуулж байна. Манай www.epress.mn сайт нь нийтлэлийн бодлогын хувьд дараахи чиглэлүүдээр мэдээ, мэдээлэл бэлтгэн уншигчдадаа хүргэхийг зорьж байна. Үүнд:  Улс орны эдийн засгийн хөгжил – төрийн эдийн засгийн бодлого /макро, микро эдийн засгийн бодлого – төсөв, мөнгөний бодлого – бүтээн байгуулалт, хөрөнгө оруулалт – төрийн аудит, татварын тогтолцоо/,  Бизнесийн орчин, үндэсний үйлдвэрлэгчдэд тулгамдсан асуудлуудыг судлан шинжилж, сурвалжилж,  Эдийн засаг, нийгмийн хөгжлийн гарц, шийдлийг эрэлхийлсэн, асуудал дэвшүүлсэн нийтлэл, нэвтрүүлэг, сурвалжлага, ярилцлагыг олон нийтэд түгээх болно.  Ингэснээр манай сайтын мэдээлэл улс орны эдийн засаг, нийгмийн харилцаанд нөлөөлөгч хүчин зүйл болох учиртай.  Дэлхийн болон улс орныхоо эдийн засаг, нийгмийн төлөв байдлын талаар “сонин содон” мэдээллүүдийг цуглуулан боловсруулж Та бүхний мэдлэгийн санг тэлэх боломжийг нэмэгдүүлнэ.  Мэдлэгийг тэлэх чиглэлд нэмэлт “Монголын түүхийг товчоор” булан нээж, түүхийн чухал мөчүүдийн талаарх мэдээллийг шинэлэг хэлбэрээр уншигч та бүхэндээ хүргэнэ.  Бид сэтгүүлчийн ёс зүйн зарчмыг үйл ажиллагаандаа чанд мөрдөж, салбартаа үлгэр дуурайлал болсон мэргэжлийн хамт олон байхын төлөө ажиллах болно.  Уншигч та бүхэнтэйгээ үр өгөөжтэй хамтран ажиллана.

Registration Login
Sign in with social account
or
Lost your Password?
Registration Login
Sign in with social account
or
A password will be send on your post
Registration Login
Registration