Пүрэв, 2 сарын 9, 2023
Хадгалсан мэдээ (0)
Гахай чирж явсан Ш.Сайхансамбуу, Х.Баттулга нар улс төрд ганзага нийлж болохгүй гэж үү?
Улс төр 

Гахай чирж явсан Ш.Сайхансамбуу, Х.Баттулга нар улс төрд ганзага нийлж болохгүй гэж үү?

Oyuk Oyuk Oyuk Oyuk
2 сарын 9, 2023
401
0

Монгол Улсад өнөөдөр Дээд шүүхэд бүртгэлтэй 36 улс төрийн нам бий. Хамгийн сүүлд Ц.Оюунгэрэлийн Иргэдийн оролцооны нам /ИОНН/ бүртгүүлснээр одоогоор хамгийн отгон нам болж буй. Үүнээс нэг нам, тодруулбал жагсаалтын 13-т бичигддэг МҮАН оны өмнөхөн намаа татан буулгаж, АН-тай нэгтгэх хүсэлтийг Дээд шүүхэд хүргүүлжээ. Гэвч бичиг баримтын бүрдэл хангаагүй хэмээн буцаасан байна. Нэгэнт намаа татан буулгасан л бол цаашид тарсанд тооцох биз.

Бас нэг хачирхалтай үзэгдэл бол жагсаалтын наймд бичигддэг Монголын Либерал нам нэрээ сольж Ардчилсан Монгол Ялна нам болгох хүсэлт өгчээ. Мөн л бүрдүүлэх ёстой  бичиг баримтын шаардлага хангаагүй хэмээн буцаажээ. Ардчилсан Монгол Ялна гэх нэрийн ард Ерөнхийлөгч асан Х.Баттулгыг байгаа гэж улс төрийн хүрээнийхэн ярьж, бичдэг. Үнэн ч биз. Түүний Ерөнхийлөгчид нэр дэвшихээс эхлээд бүрэн эрхээ хэрэгжүүлсэн дөрвөн жилийн хугацаанд “Монгол Ялна” гэх сонгуулийн уриа нь лоозон болж үндэсний үзэл бүхий залуусын цөсийг хөөргөж, оноо цуглуулж явсан. Одоо ч хөөрүү зарим нь сошиалд бичиж, сэвж л байдаг. 

Харин оюунлаг хэсгийнхэн Монгол ялна гэсэн хоосон лоозон, дэмий хөөс, хөөрөгдөл, төөрөгдөл байсныг ялгаж салгахтайгаа. Тиймээс ч шүүмжлэлтэй ханддаг. Монгол ялаагүйг бидний өнөөдрийн амьдрал бэлээхэн харуулж байна шүү дээ. Эсвэл Монгол Ялна нам байгуулаад одоо л  жинхнээс нь та нарыг ялуулна гээд гараад ирвэл бүгд итгээд дагаад намирах юм болов уу. 

Үүнээс гадна  Зон олны намын дарга Э.Одбаяраас ирүүлсэн “Намын бүртгэлийн мэдээлэлд өөрчлөлт оруулах” тухай хүсэлтийг хэлэлцээд Улсын дээд шүүхийн цахим хуудаст тус намын электрон шуудангийн хаягуудыг алдаатай оруулсан, мөн намын дарга өөрчлөгдсөн талаар тус намын бүртгэлийн мэдээлэлд оруулсан өөрчлөлтийг бүртгэсэн Монгол Улсын дээд шүүхийн 2021 оны нэгдүгээр сарын 14-ний өдрийн 01 тоот тогтоолыг Улсын дээд шүүхийн цахим хуудаст байршуулаагүй байгаа нь тус тус тогтоогдсон тул алдааг залруулахаар тогтжээ. Э.Одбаяр бол АН-ын дарга С.Эрдэнийн хүү, улс төрд идэвхтэй явж буй залуусын нэг. Тэгэхээр үзэл баримтлал нь ч АН-тай нэг чиглэлд, аав, хүүгийн нам учир бараг л цусан төрлийн холбоотой гэсэн үг. 

Ийнхүү нэр солих, татан буулгах хүсэлт өгсөн  дээрх гурван намаас гадна  36, 37 дахь  намууд мэндлэхээр Дээд шүүхийн босгыг дэрлэн дуншиж байна. Тухайлбал, Ардын чуулган намыг шинээр үүсгэн байгуулсныг улсын бүртгэлд бүртгүүлэх тухай иргэн Ш.Сайхансамбуугийн хүсэлт  нь бичиг баримт бүрдүүлэх шаардлагыг хангаагүй тул  буцаасан гэж Дээд шүүхийн өчигдрийн мэдээлэлд дурджээ. Монголын анхны бизнесмэнүүдийн нэг, Нарантуул ОУХТ-ийн эзэн, УИХ-ын гишүүн асан Ш.Сайхансамбуугийн хувьд өмнө нь “Үнэн ба Зөв” намын ар дахь нууц эзэн гэж хэсэгтээ яригдсан. 

Тус намыг байгуулсан нь үнэн, эсэхийг мэдэхгүй. Өөрөө бол Ц.Отгонбаатар гэж залууг шударга ёсны төлөө явж буй залуу хүн юм болов уу гээд дэмжсэн. Нам байгуулахад нь дэм болж, хөрөнгө мөнгөөр ч тусалсан хэмээн сэтгүүлчдийн асуултад хариулсан байдаг. Харин өөрөө нам байгуулахаар Дээд шүүхийн босгонд хэдэнтээ бүдрээд байна. Бүдрээд байгаа юм уу, зориуд өвдөг шороодуулаад ч байгаа юм уу, хэн мэдлээ. Ер нь бол нам байгуулна гэдэг мөнгөтэй, хүчтэй, нэр нөлөөтэй хүний л зориглох ажил байх. Түүнээс хоосон, явган, нүцгэн нэгэнд санаа байгаад сачий нь хүрэхгүй биз. Аливаа ажил хөрөнгө оруулалттай байж л урагшилдаг, байхгүй бол тардаг, бутардаг, дампуурдаг. 

Тэгэхээр нам санхүүжүүлэх бүү хэл, Монголыг хэдэн жилдээ тэжээчих хур хөрөнгөтэй, Монголын толгой баячууд болох Х.Баттулга, Ш.Сайхансамбуу нар хоёр талд нам байгуулах гэж үйлээ үзэж явснаас бараг хамтраад нам байгуулчихвал болохоор харагдана. 

1990-ээд оны ардчилал, зах зээлийн үед гахай чирж, Хятад, Сингапур руу ганзага нийлүүлэн наймаанд явж, электрон бараа, CD тоглуулагч, хөгжим зөөж явсан хоёр одоо эргээд улстөрд дөрөө харшуулж яагаад болохгүй гэж. Намууд нэгдэж байхад, хүмүүс  ч гэсэн зүг, чиг нийлж  болноо доо... Эцэст нь Х.Баттулга Ерөнхий сайд, Ш.Сайхансамбуу нь Хотын дарга болж ч болно шүү дээ. Өөрсдөө тэгж мөрөөддөг юм байна лээ. Хийж чадна ч гэж ярьдаг юм байна лээ.

Улс төрд нөлөө бүхий зарим этгээдийн хамаарал бүхий этгээд төрд удирдах алба хашихгүй, зээлд хамрагдахгүй, тендер шалгаруулалтад оролцохгүй
Ерөнхийлөгч ам алдсан уу, эсвэл...?
Spectr News Theme
Oyuk Oyuk
Хөгжүүлэгч
Веб сайтын хөгжүүлэлтийн ажилтан, ЦАСТ СОЛЮШН ХХК

Сэтгэгдлүүд

Редакцийн бодлого

“И пресс медиа” ХХК нь 2019 оны гуравдугаар сард үүсгэн байгуулагдаж хэвлэл мэдээллийн салбарт www.epress.mn мэдээллийн цахим хуудсыг нээн ажиллуулж байна. Манай www.epress.mn сайт нь нийтлэлийн бодлогын хувьд дараахи чиглэлүүдээр мэдээ, мэдээлэл бэлтгэн уншигчдадаа хүргэхийг зорьж байна. Үүнд:  Улс орны эдийн засгийн хөгжил – төрийн эдийн засгийн бодлого /макро, микро эдийн засгийн бодлого – төсөв, мөнгөний бодлого – бүтээн байгуулалт, хөрөнгө оруулалт – төрийн аудит, татварын тогтолцоо/,  Бизнесийн орчин, үндэсний үйлдвэрлэгчдэд тулгамдсан асуудлуудыг судлан шинжилж, сурвалжилж,  Эдийн засаг, нийгмийн хөгжлийн гарц, шийдлийг эрэлхийлсэн, асуудал дэвшүүлсэн нийтлэл, нэвтрүүлэг, сурвалжлага, ярилцлагыг олон нийтэд түгээх болно.  Ингэснээр манай сайтын мэдээлэл улс орны эдийн засаг, нийгмийн харилцаанд нөлөөлөгч хүчин зүйл болох учиртай.  Дэлхийн болон улс орныхоо эдийн засаг, нийгмийн төлөв байдлын талаар “сонин содон” мэдээллүүдийг цуглуулан боловсруулж Та бүхний мэдлэгийн санг тэлэх боломжийг нэмэгдүүлнэ.  Мэдлэгийг тэлэх чиглэлд нэмэлт “Монголын түүхийг товчоор” булан нээж, түүхийн чухал мөчүүдийн талаарх мэдээллийг шинэлэг хэлбэрээр уншигч та бүхэндээ хүргэнэ.  Бид сэтгүүлчийн ёс зүйн зарчмыг үйл ажиллагаандаа чанд мөрдөж, салбартаа үлгэр дуурайлал болсон мэргэжлийн хамт олон байхын төлөө ажиллах болно.  Уншигч та бүхэнтэйгээ үр өгөөжтэй хамтран ажиллана.

Registration Login
Sign in with social account
or
Lost your Password?
Registration Login
Sign in with social account
or
A password will be send on your post
Registration Login
Registration