Өнгөрсөн сарын 24-30-ны өдрүүдэд нүүрс экспортын 10531 автомашин, 1642 чингэлэг тээвэр, 1232 AGV тээвэр хийгдсэн байна. Тайлант хугацаанд 1.4 сая.тн нүүрс экспортод гарчээ. Энэ нь өмнөх оны мөн үеэс 346 хувь буюу 3.5 дахин өссөн үзүүлэлт юм. 

Харин 480 автомашин, 252 чингэлэг тээврээр зэсийн баяжмал экспортолсон байна. Оны эхнээс нийт 358 мян.тн зэсийн баяжмал экспортолсон нь өнгөрөгч оны мөн үеэс 8.5 хувиар өсжээ.

Төмрийн хүдэр, баяжмалын тухайд 447 автомашин, 1285 чингэлэг тээвэр хил нэвтэрсэн. Оны эхнээс нийт 1,276.9 мян.тн-ыг экспортолсон нь өнгөрөгч оны мөн үеэс 107.3 хувиар өссөн байна. Тайлант долоо хоногт 118 мян.тн төмрийн хүдэр, баяжмал хилээр гарсан аж. Төвбанк оны эхний гурван сарын байдлаар 2.24 тонн алт худалдан авсан байна.

Эрдэс бүтээгдэхүүний нийт экспорт дунджаар 30 орчим хувийн гүйцэтгэлтэй байгаа бөгөөд нүүрс 38 хувь, зэсийн баяжмал 25.6 хувь, алт 11.2 хувь, газрын тос 17.7 хувийг эзэлжээ.