Б.БОЛОР

200 аж ахуйн нэгж 10 мянга гаруй нэр төрлийн бараа бүтээгдэхүүнээ дэлгэлээ

Иргэдийн баяр-Хүрээ цам даншиг” наадамд нийслэлийн жижиг, дунд үйлдвэр, үйлчилгээ эрхлэгч есөн дүүргийн шилдэг 200 аж ахуйн нэгжийн бараа бүтээгдэхүүн, уран бүтээлийг иргэд олон нийт болон гадаадын жуулчидад сурталчилан таниулах зорилгоор  үзэсгэлэн худалдааг амжилттай зохион байгууллаа.

Нийслэлийн Засаг даргын 2025 оны А/793 дугаар захирамжаар Монголын соёл, шашны зан үйлийг аялал жуулчлалын бүтээгдэхүүн болгож хөгжүүлж, Улаанбаатар хотыг олон улсад сурталчилах зорилгоор “Иргэдийн баяр-Хүрээ цам даншиг” наадмыг 2025 оны энэ сарын 28,29-ний өдрүүдэд Хүй долоон худагт байрлах Монгол наадам цогцолборт зохион байгууллаа.