Монгол Улсын Үндсэн хуулийн цэцийн гишүүн Доржийн Одбаяр Бүгд Найрамдах Энэтхэг Улсын Соёлын харилцааны Зөвлөлийн дээд шагналыг  хүртлээ.

Энэтхэг-Монголын харилцааг хөгжүүлэхэд оруулсан үнэтэй хувь нэмрийг нь үнэлж түүнд дээрх шагналыг хүртээхээр сонгон шалгаруулсан бөгөөд БНЭУ-ын Дэд ерөнхийлөгчийн шийдвэрээр ийнхүү шагнажээ.

БНЭУ-ын Дэд ерөнхийлөгчийн нэрийн өмнөөс манай улсад Энэтхэг Улсаас суугаа Онц бөгөөд Бүрэн эрхт Элчин сайд М.П.Сингх Монгол Улсын Үндсэн хуулийн цэцийн гишүүн Д.Одбаярт энэхүү шагналыг хүндэтгэлтэйгээр гардууллаа.

Гадаадын иргэнд жилд нэг удаа олгодог нэр хүндтэй энэ шагналыг Монгол Улсын  иргэн анх удаа хүртэж байна.